Tuesday 21 December 2010

"~~තැනේ හැටියට ඇඳුම~~"

ඊයේ අවුරුද්දේ අන්තිම පෝය නිසා මාත් ගෙදර ඈයොත් එක්ක ගියා පන්සලේ. ගියේ ලංකාවේ බොහොම ප්‍රසිද්ධ පන්සලකට. හරියටම කියනවනම් සොලොස්මස්ථානවලින් එකක්.

 අපි අරන් ගිය මල් වලට අමතරව එලියෙනුත් මල් ටිකක් අරගෙන කෙලින්ම ගියේ බෝධිය දිහාවට. මල්ලිගේ අපලෙකට වෙච්ච භාරයක් නිසා පහන පූජාවක් කරන්නත් තිබුනා අපිට. සෙනගත් වැඩි නිසා ගිය වැඩේ කරගෙන ඉක්මනට එන්න අපි හැමෝටම උවමනාව තිබුන. ඔන්න ඔය අතරේ තමයි මට එතන ඉන්න අයගේ ඇඳුම් පේන්න පටන් ගත්තේ. මං ආයේ වට පිට බැලුව ආවේ පන්සලටම නේද කියල සැක හැර දැනගන්න. පුරුෂ පක්ෂයේ නම් ඉතින් කියන්න වැරැද්දක් තිබුනේ නෑ. අපේ කාන්තා පාර්ශවයේ ඇඳුම් තමා එතන කැපිලා පෙනුනේ. මට ඉතින් හිතුන හදිස්සියේ ටවුමට ආපු ගමන් පෝය කියල මතක් වෙලා පන්සල් ආවද කියල

එතන හිටිය ලස්සන පොඩි දුවෙක්, චූටිම චූටියි. වැඩිම උනොත් අවුරුදු 4 ක් විතර ඇතියි. ලස්සන ළමා සාරියක් එහෙම අන්දලා මල් වට්ටියක් අතින් අරගෙන ඉන්න හැටි දැක්කම හරි ආස හිතුන. එයා ඇවිත් ඉන්නේ කාත් එක්කද කියල බලනකොට තමයි අම්මගේ ඇඳුම දැක්කේ. හිරට හිරේ සුදු පාට කලිසමකුයි, ඒ වගේම හිර ටී ෂර්ට් එකකුයි ඇඳලා අමාරුවෙන් අර දරුවා ලඟින් ඇවිදිනවා. එයා ඉතින් සිහින් අඟපසඟ ඇත්තියකුත් නොවූ නිසා, අවට හිටපු පුරුෂ පාර්ශවය එක හිතකින් බුදුන් වැන්දාද කියල මට හිතුන.
ඔන්න එයා දැකල වැඩි වෙලාවක් ගියේ නෑ, එතන හිටියා තවත් කීප දෙනෙක් යන්නේ පන්සල් කියල අමතක උනු. එක කාන්තාවක් හිටියා තද නිල් පාට ඇඟටම හිරවුණු ඩෙනිමක් ඇඳලා, තද කහපාට ටී ෂර්ට් එකකින් සැරසිලා, ඒකටම ගැලපෙන්න කහපාට ලොකු රවුමක් වගේ කරාඹු දාලා. එයත් එක්ක හිටපු අනික යාලුවත් ඒ වගේම ඇඳුමක්ඇඳගෙන හිටියේ. එයා නම් කලිසම දණහිස ගාවටම නවාගෙනත් හිටියේ. ‘සන් ග්ලාස්’ දෙකකුත් ඔලුවට දාගෙන හිටියා.

හොඳම කතාව තමයි මං ඒ දෙන්නව පහු කරගෙන යනකොට මට ඇහුන අර ‘සන් ග්ලාස්” දාගෙන හිටපු කෙනා අනික් කෙනාගෙන් අහනවා “බෝධියට වතුර දාන්න යනකොට බෝධියට වඳින ගාථාව කිය කියා යනවා නේද?” කියල. ගාථාව වත් එයාලා දැනගෙන හිටියද කියල මට පොඩි ප්‍රශ්නයක් ආවා.
කොහොමහරි මට ඊයේ හිතුනේ, අඩුම ගානේ පන්සලට ගෞරවයක් විදියට වත් පිළිවෙලට ඇදගෙන පන්සල් එන්න බැරි නම් අඩුම ගානේ පිරිමි පාර්ශවයට නිදහසේ වඳින්න දෙනවා කියල හිතා ගෙනවත් හොඳට ඇන්දොත් හොඳයි නේද?

9 comments:

  1. ඕක නිසා තමා මම පංසල් වලට යන්නෙ නැතුව ආරණ්ය සේනාසන වලට යන්නෙ

    ReplyDelete
  2. චූටි ටීචර් ගේ කතාව නම් සහතික ඇත්ත !!! කටේ මසුරන් දාන්න වටිනවා.

    කොහේට මොන ඇදුම ඇන්දත් බුදුන් දහම් සඟුන් වැඩ හිටින බිමට එහෙමත් නැත්නම් පංසලට එනකොට ගැලපෙන වස්ත්‍රයකින් සැරසිලා එනවනම් තමා හොද. අර කිව්වත් වගේ බුදුන් වදින්නෙ නැත්නම් වඳින කෙනෙකුටවත් එක හිතින් වඳින්න දෙනවනම් තමා හොද !!!

    අනික ඔච්චර හිරට අදින්නත් අමාරුයි නේ.

    අපි උසස් පෙල කරන කාලේ ඔය විදිහට කලිසම් අදින හැටි ගැන පොඩි රිසර්ච් එකක් කලා.
    කලිසම ජල නටන උශ්නත්වයේ තියලා, (එතකොට කලිසම ප්‍රසාරණය වෙනවනේ. ) කලිසම අඳින කෙනා අයිස් මිදෙන උශ්නත්වයේ (එතකොට අදාල පුද්ගලයාව සංකෝචනය වෙනවනේ ) ඉදලා නේ ඔය කලිසම අදින්න වෙන්නේ. :-)

    (ඊට පස්සේ පද්ධතියම කාමර උශ්නත්වය දක්වා ගෙන එන්න ඕනේ )

    ReplyDelete
  3. මේ කලේ ඔයවගේ දේවල් දකින්න ලැබෙන එක පුදුමයක් නෙවේ!

    තවත් ස්ත්‍රි පක්ෂෙ කෙනෙකුටම මෙහෙම හිතෙනවනන් වෙන කවර කතාද නේද? :D

    ReplyDelete
  4. @රංග: හ්ම්...
    @මධුරංග: ඔය කොහොම කරලා ඇන්දත් කමක් නෑ ගැලපෙන තැන වලට..
    @අංජන: එක ඇත්ත!

    ReplyDelete
  5. හැබැයි ටීචර් ඔය වැඩේ ළමයා පොඩි කාලේ ඉදන්ම හැදුනොත් හරි නේද ??? එතකොට ලොකු වෙද්දි ඔය වැරැද්ද කරන එකක් නෑ

    ReplyDelete
  6. පිරිමි අපි වගේ නෙවෙයි නේ ගෑනු අය බලෙන් පොෂ් වෙන්න යනවනේ.. අන්තිමට තිබුන ටිකත් නෑ... අපි නම් කොහොම ඈන්දත් මොනවා පැළැන්දත් ලස්සනයි නේ.... හිහ්...

    ඔය වගේ උන් නිසා තමයි අපේ සාරධර්ම ​වලට කෙලවිලා අද එකට ඉඳලා හෙට මරාගන්නේ... ඕවයින් තමා පටන් ගන්නේ...

    අනේ කාලේ......

    ReplyDelete
  7. aiyo oyata waradila

    a gollo trip akak apu kattiyak ne.

    Habai ithin mehemai Denima samanaya adumak ne.Adum Nathuwa hari Athuwa hari awith thaman pin tikak kara gannawanam apita moko

    thamnta kamathi deyak adinna paladhinna nidhahasa thiyenawane

    ReplyDelete
  8. ehema nidahasa thiyenava kiyala, thanakata aguravayak venna andina eka honda nane. ehema nidahasa kiyala ganu kenek paare nana andumak andagena giyoth ekatath hariyi kiyanavada? api thanakata pilivelata yana eka e thanata karana gavuravayak.
    api wedding ekakata yanavanam lassanata andan yanne invite karapu ayata gavuravayak vidiyata. anik evath ehemayi.
    andinna nidahasa thiyenava kiyala, nogalapena vidyata andala kava vath avussannavath anika ayage hina vata lak venna vath one na neda? eken pradarshanaya karanne thama nodanuwath kiyana eka neda? pansalata yanna venama vidiyakuth, wedding ekata yanna venama vidiyakuth, party ekakata yanna venama vidiyakuth thiyenavane.

    ReplyDelete
  9. අනේ කාලේ වනේ වාසේ කිව්වලු..

    ReplyDelete

දැනගන්න ආසයි මමත් ඔබ හිතන දේ...ඉතින් නරකද කොමෙන්ටුවක් දැම්මොත්?